तनहुँ । असार २९
नेपाली साहित्यका आदिकवि भानुभक्त आचार्यको २१२ औं जन्मजयन्तीको अवसरमा भानु जन्मस्थल विकास समितिको आयोजनामा आइतबार भानुभक्तको जन्मस्थान तनहुँको चुँदी रम्घामा भानुजयन्ती कार्यक्रम आयोजना गरियो ।
उक्त कार्यक्रमको उद्घाटन गन्डकी प्रदेश सरकारका मुख्यमन्त्री सुरेन्द्रराज पाण्डेले उद्घाटन गरेका थिए । सो कार्यक्रममा मुख्यमन्त्री पाण्डे, गन्डकी प्रदेशका सांसद अशोक श्रेष्ठ, जिल्ला समन्वय समितिका प्रमुख शान्तिरमण वाग्ले, व्यास नगरपालिकाका प्रमुख बैकुण्ठ न्यौपाने, भानु नगरपालिकाका प्रमुख आनन्दराज त्रिपाठी, भानु नगरपालिकाकी उपप्रमुख उमा गोतामे, बन्दीपुर गाउँपालिकाका उपाध्यक्ष पन्चमाया गुरुङ, प्रमुख जिल्ला अधिकारी रामकृष्ण अधिकारी सहित विभिन्न राजनीतिक दलका प्रमुख तथा प्रतिनिधि एवं विभिन्न साहित्यकाहरुले भानुभक्तको महिमाको बारेमा मन्तव्य व्यक्त गरेका थिए ।
आदिकवि भानुभक्त जन्मस्थल विकास समितिका अध्यक्ष रामकुमार श्रेष्ठको अध्यक्षतामा कार्यक्रममा विभिन्न प्रतियोगिताका बिजयीहरुलाई पुरस्कार प्रदान गरिएको थियो । सो अवसरमा साहित्यकारहरुले साहित्य वाचन गरेका थिए ।
