तनहुँ । साउन ४
देवघाटमा सन्चालन गर्न लागिएको देवघाट कलेजको सहयोगको लागि देवघाटमा आजबाट सुरु हुन लागेको साउने बोलवम मेलामा आर्थिक सहयोग संकलन गरिने भएको छ ।
कलेज सन्चालनको लागि आर्थिक समस्या परेको हुँदा देवघाटमा साउन महिनाको सोमवार लाग्ने बोलबम मेलामा आर्थिक संकलन गर्न लागिएको देवघाट कलेज सञ्चालन समितिका अध्यक्ष डा.सुरेन्द्रप्रसाद श्रेष्ठले बताए ।
सो अभियानमा सहयोगको लागि राजनीतिक दल, जनप्रतिनिधि, समाजसेवी, शिक्षाप्रेमी तथा देवघाटमा कलेज सन्चालन हुनपर्छ भन्ने मानिसकता र सोच भएको सम्पुर्ण शुभचिन्तकलाई आर्थिक संकलन अभियानमा जोडिन श्रेष्ठले अनुरोध गरेका छन् ।
आर्थिक संकलन अभियान साउन महिनाको प्रत्येक सोमबार विहान ५ बजेदेखी गलेश्वर आश्रम परिसर नजिकै हुने डा.श्रेष्ठले बताए ।
