तनहुँ । साउन ४
प्ले अफ म्याचमा संघर्षपुर्ण जित हात पार्दै हैरान्स क्लब, तनहुँ आगामी एन्फा प्रेसिडेन्ट लिग फुटबल प्रतियोगिताका लागि छनौट भएको छ ।
शनिबार भएको एक मात्र प्ले अफ म्याचमा हैरान्सले श्री प्रोगेसिभ युथ क्लब, सप्तरीलाई पेनाल्टी शुटआउटमा हराउँदै प्रेसिडेन्ट लिगका लागि छनौट भएको हो ।
सातदोबाटो स्थित एन्फा कम्प्लेक्समा भएको निर्धारित समयको प्रतिस्पर्धात्मक खेल १–१ को बराबरीमा टुंगिएपछि खेलको निर्णय पेनाल्टीबाट लिइएको थियो । पेनाल्टीमा भने हैरान्स ६–५ ले विजयी हुँदै एन्फा प्रेसिडेन्ट लिगका लागि छनौट हुन सफल भएको हो ।
