विष्णु मगर । देवघाट, साउन १३
नेकपा माओवादीको युवा संगठन योङ कम्युनिष्ट लिग (वाइसीएल) देवघाट गाउँ कमिटिले देवघाट स्थित त्रिशुली र कालीगन्डकी नदीको किनार तथा देवघाटको धार्मिक क्षेत्रमा सरसफाई गरेको छ ।
हाम्रो देवघाट, राम्रो देवघाट भन्ने मुल नाराका साथ मंगलबार बिहान वाइसीएल देवघाटमा आवद्ध युवाहरुले देवघाटको पुलको मुखदेखी बोलवम मेला लाग्ने बेणी संगम क्षेत्रसम्म सरसफाई गरेका थिए । ‘श्रम तथा उत्पादनमा वाइसिइल अभियान’ अन्तर्गत साउनको सोमबार लाग्ने बोलबल मेलामा निस्केको फोहोरहरुलाई सरसफाई गरिएको वाईसीएल देवघाटका अध्यक्ष योगेन्द्र गुरुङले बताए ।
उक्त सरसफाई कार्यक्रममा देवघाट गाउँपालिकाका अध्यक्ष तिलबहादुर थापा र उपाध्यक्ष भुवन सिं गुरुङको विशेष उपस्थिति तथा नेकपा माओवादी केन्द्र र वाइसीएलका नेता तथा कार्यकर्ताहरुको सहभागिता रहेको थियो ।
