तनहुँ । साउन १३
आबुँखैरेनी गाउँपालिकामा ट्रमा सेन्टरको लागि जग्गा प्राप्ती भएको छ । नेपाल सरकार मन्त्रिपरिषद्को २०८२ असार १० गतेको निर्णय अनुसार आँबुखैरेनी गाउँपालिका, वडा नम्बर १ मा पर्ने सार्वजनिक गौचर जग्गा आँबुखैरेनी गाउँपालिकाले ट्रमा अस्पताल (१५ शैया) निर्माणको प्रयोजनका लागि प्रयोग गर्ने भोक अधिकार प्रमाणपत्र पाएको छ ।
अमिन सरोज अधिकारीको निरन्तर सहयोग र सरल समन्वयले जग्गा विवरण नापी तथा अभिलेखिकरण प्रक्रियामा उल्लेखनीय सहजता भएको आबुँखैरेनी गाउँपालिकाले जनाएको छ ।
जग्गा प्राप्ती पछि बजेटको सुनिश्चित गरेर ट्रमा सेन्टर निर्माणको प्रक्रिया सुरु गरिने गाउँपालिकाले जनाएको छ ।
