तनहुँ । साउन १७
तनहुँको देवघाट र बन्दीपुर गाउँपालिकाका प्रमुख प्रशासकीय अधिकृतहरुको सरुवा भएको छ । संघीय मामिला तथा सामान्य प्रशासन मन्त्रालयले शुक्रबार उनीहरुको सरुवा गरेको हो ।
मन्त्रालयले जारी गरेको सुचना अनुसार बन्दीपुर गाउँपालिकाका प्रमुख प्रशासकीय अधिकृत यादवराज आचार्यको निर्वाचन आयोग (अन्तर्गत) र देवघाटका प्रमुख प्रशासकीय अधिकृत जगतबहादुर बस्नेतको रुपन्देहीको रोहिणी गाउँपालिकामा सरुवा भएको हो । बस्नेत गत चैत अन्तिम साता देवघाटको प्रमुख प्रशासकीय अधिकृतमा सरुवा भएर आएका थिए ।
देवघाटको नयाँ प्रमुख प्रशासकीय अधिकृतमा कपिलबस्तुको मायादेवी गाउँपालिकाबाट कालिका तिमिल्सेना लम्सालको सरुवा भएको छ भने बन्दीपुरमा केही दिन भित्रैमा मन्त्रालयले नयाँ प्रमुख प्रशासकीय अधिकृत खटाउने भएको छ । यादव १५ महिना अघि बन्दीपुरको प्रमुख प्रशासकीय अधिकृतको रुपमा आएका थिए ।
