तनहुँ । साउन १९
बन्दीपुर गाउँपालिका–१ का एक जनामा मलेरिया पुष्टि भएको छ । प्रदेश जनस्वास्थ्य कार्यालय तनहुँको सहकार्यमा बन्दीपुर गाउँपालिकाको स्वास्थ्य शाखाले सोमबार गरेको मलेरिया रोगको सम्पर्क परिक्षण कार्यक्रममा बेलभन्ज्याङका एक सर्वसाधरणमा मलेरिया पुष्टि भएको हो ।
उक्त अवसरमा डेंगि रोगको रोकथामको बारेमा पनि सचेतना कार्यक्रम गरिएको थियो । उक्त कार्यक्रममा डेंगी तथा मलेरियाबाट बच्ने उपायको बारेमा पनि सचेतना गरिएको बन्दीपुर गाउँपालिकाका स्वास्थ्य शाखाका प्रमुख किरणकुमार श्रेष्ठले बताए ।
सो कार्यक्रममा वडा नम्बर १ का अध्यक्ष शिवकुमार श्रेष्ठले पनि डेंगी तथा मलेरिया रोगको रोकथाम र बच्ने उपायहरु अबलम्बन गर्नु पर्ने बताए ।
