तनहुँ । भदौ १९
म्याग्दे गाउँपालिकाको आयोजनामा आर्थिक वर्ष २०८२÷०८३ का योजनाहरुको उपभोक्ता अभिमुखीकरण कार्यक्रम वडा नम्बर १ मा विहिबार सम्पन्न भएको छ । उपभोक्ता समितिका पदाधिकारी तथा टोल विकास संस्थाका अध्यक्षहरुको लागि आयोजित उक्त कार्यक्रको उद्घाटन गर्दै गाउँपालिकाका अध्यक्ष श्रीप्रसाद श्रेष्ठले छनौट भएका योजनाहरु निर्धारित समयमा प्रभावकारी रुपमा सम्पन्न गर्नुपर्ने बताए । उनले यस प्रशिक्षणबाट आयोजना कार्यन्वयनको चरणमा हुनेकमिकम्जोरीहरू न्यूनिकरण हुनका साथै प्रभावकारी कार्यन्वयन हुने विश्वास लिईएको बताए ।
वडा नम्बर १ का अध्यक्ष मणिभद्र वाग्लेको अध्यक्षतामा भएको उक्त कार्यक्रममा प्रमुख प्रशासकीय अधिकृत नारायणप्रसाद अधिकारी, योजना शाखाका प्रमुख श्रीराम खनाल, लेखा प्रमुख शिवजी थापा, इन्जिनियर रोमन पण्डित र वडा नम्बर १ का प्राविधिक शम्भु पौडेलले प्रशिक्षण दिएका थिए । उक्त अभिमुखीकरणमा ८० जनाको सहभागिता रहेको थियो ।
म्याग्दे गाउँपालिकाले सबै वडामा उपभोक्ता समितिका पदाधिकारी र टोल विकास संस्थालाई अभिमुखीकरण कार्यक्रम गर्ने भएको छ ।
