तनहुँ । भदौ २९
तनहुँ कारागारबाट गत भदौ २४ गते साँझ भागेका ३ सय २७ कैदीबन्दीमध्ये १ सय ९ जनालाई प्रहरीले पुनः नियन्त्रणमा लिएको छ ।
शुक्रबार साँझसम्म ९ महिला र १ सय पुरुष गरि १ सय ९ जनालाई पुनः नियन्त्रणमा लिएको जिल्ला प्रहरी कार्यालय तनहुँका प्रवक्ता डिएसपी अशोक थापाले जानकारी दिए । नेपाली सेना, सशस्त्र प्रहरी र नेपाल प्रहरीको संयुक्त टोलीले भागेका कैदीबन्दीलाई नियन्त्रणमा लिएको हो । भागेका अन्यको खोजी भइरहेको डिएसपी थापाले बताए ।
गत भदौ २५ गते साँझ कारागारको सुरक्षा घेर तोडेर २० महिला र ३ सय ७ पुरुष गरि ३ सय २७ जना कैदीबन्दी कारागारबाट निस्किएका थिए । प्रहरीले भागेका कैदीबन्दीलाई यथाशिघ्र कारागारमा आउन आह्वान पनि गरेको छ । कारागार नफर्किए प्रहरीले उनीहरुलाई पक्राउ गरि ल्याउने र त्यसो भएमा सजायको अवधि झन बढ्ने देखिन्छ ।
