तनहुँ । कार्तिक १९
बन्दीपुर गाउँपालिका–५ बाहुन भञ्याङमा कुटपिटबाट एक जनाको मृत्यु भएको छ । मृत्यु हुनेमा सोही ठाउँका ५८ बर्षीय खुसिमान गुरुङ रहेका छन् ।
सोही ठाउँका ७० बर्षिय खिमबहादुर गुरुङ र खुसीमान एक आपसमा झगडा गर्दा खिमबहादुरले खुसीमानलाई चिरपटले टाउकोमा हानेका थिए ।
चिरपटको चोटले लाग्दा घाइते भएका खुसीमानको उपचारको लागि बन्दीपुर अस्पताल ल्याइएकोमा थप उपचारको लागि मणिपाल अस्पताल पोखरा लगिएकोमा त्यहाँबाट उपचारको लागि फिस्टेल अस्पताल लगिएकोमा उनको उपचारको क्रममा फिस्टेल अस्पताल पोखरामा मृत्यु भएको जिल्ला प्रहरी कार्यालय तनहुँका प्रवक्ता एवं प्रहरी नायव उपरिक्षक श्रवणकुमार विकले जानकारी दिए ।
कुटपिट गर्ने खिमबहादुरलाई प्रहरीले नियन्त्रणमा लिएको छ ।
