देवघाट । कार्तिक २०
देवघाट गापा–३ छिपछिपेमा आयोजित गाउँस्तरीय शुद्ध भलिवल प्रतियोगितामा बन्दीपुर गाउँपालिका–६ स्थित मिलिजुली यवा क्लव प्रथम भएको छ । गत कार्तिक १५ गतेबाट भएको उक्त प्रतियोगितामा २५ टिमको सहभागिता रहेकोमा मिलिजुली युवा क्लव प्रथम भएको हो ।
प्रतियोगितामा गैडाकोटको ढोडेनी युवा क्लव दोश्रो र देवघाट जैथुम क्लव तेश्रो भएको थियो । प्रथम हुने टिमलाई ४० केजीको खसी, मेडल र प्रमाण पत्र, दोश्रो हुने टिमलाई ३२ केजीको खसी, मेडल प्रमाण पत्र, तथा तृतीय हुने टिमलाई २६ केजीको खसी र प्रमाण पत्र प्रदान गरिएको थियो ।
प्रतियोगिताको पुरस्कार वितरण कार्यक्रममा बोल्दै प्रमुख अतिथी जनजाती युवा नेता सिद्धान्त गर्जा मगरले यसरिनै खेलकुद प्रतियोगिता गर्दा खेलाडीको क्षमता वृद्धि हुनुसँगै खेलप्रेमीहरुलाइ एकीकृत गर्ने, बिचार बिमर्श गर्ने, सामाजिक भेटघाट र सामाजिक कार्य, नीति निर्माण र एकताबद्ध भइ समाज रुपान्तरणलाई रचनात्मक सहयोगमा कोशेढुङ्गाको भुमिका खेल्नुपर्ने बताए ।
छिपछिपे टोल विकास सस्थाका अध्यक्ष मोहोन बहादुर थापाको अध्यक्षतामा सो कार्यक्रम समपन्न भएकोथियो ।
