काठमाडौं । कार्तिक २४
नेकपा माओवादी केन्द्र र नेकपा एकिकृत समाजबादी विचको पार्टी एकता प्रक्रियामा असहमत रहेका नेकपा एकिकृत समाजबादीका तत्कालिन स्थायी कमिटि सदस्य रामकुमारी झाँक्री, केन्द्रीय सदस्य तथा निवर्तमान सांसद कृष्णकुमार श्रेष्ठ किसान सहितका नेताहरु सोमबार नेकपा एमालेमा फर्कने भएका छन् ।
झाँक्री र श्रेष्ठ सहित कम्तीमा ५० जना केन्द्रीय सदस्यहरु सोमबार मुल घर नेकपा एमालेमा फर्कने भएका हुन् । उनीहरुलाई स्वागत गर्न एमालेले आज राष्ट्रिय सभागृहमा कार्यक्रम आयोजना गरेको छ । पुर्वमन्त्री समेत रहेका नेता श्रेष्ठले उक्त कार्यक्रममा धेरै भन्दा धेरै नेता र कार्यकर्ताहरुलाई समेटिने बताए ।
