जनकपुर । कार्तिक २४
मधेस प्रदेशको मुख्यमन्त्रीमा एमाले संसदीय दलका नेता सरोज यादव नियुक्त भएका छन् । प्रदेश प्रमुख सुमित्रा भण्डारीले सोमबार यादवलाई मुख्यमन्त्री नियुक्ती गरेकी थिइन् । मुख्यमन्त्री भण्डारीको सोमबार नै सपथ भईसकेको छ ।
सिन्धुलीको एक होटलमा प्रदेश प्रमुख भण्डारीले यादवलाई मुख्यमन्त्रीको पदमा शपथ गराएकी थिइन् । संविधानको धारा १६८ (३) बमोजिम यादव प्रदेश सभाको ठुलो दलको हैसियतमा मधेस प्रदेशको नयाँ मुख्यमन्त्री बनेका हुन् ।
शपथपछि कुराकानी गर्दै मुख्यमन्त्री यादवले भने, मैले भर्खरै मुख्यमन्त्री पदमा शपथ लिएँ । जनकपुरमा अवस्था सहज थिएन । विरोध प्रदर्शन भइरहेको थियो । त्यही भएर सिन्धुलीमा शपथको कार्यक्रम राखिएको हो ।
विश्वासको मत नपाउने भएपछि जितेन्द्र सोनलले मुख्यमन्त्री पदबाट राजीनामा दिएका थिए ।
