तनहुँ । कार्तिक २५
घिरिङ गाउँपालिकाको आयोजनामा सोमबार वडा नम्बर ४ को गड्यौलीटार सामुदायिक स्वास्थ्य इकाइमा गर्भवती महिलाहरुको लागि ग्रामिण अल्ट्रासाउन्ड कार्यक्रम सम्पन्न गरिएको छ ।
घिरिङ गाउँपालिका–४ का वडा अध्यक्ष भिम बहादुर कुमालको अध्यक्षतामा भएको उक्त कार्यक्रममा घिरिङ गाउँपालिकाका अध्यक्ष होमबहादुर थापाले स्वास्थ्य क्षेत्र सुधारको लागि गाउँपालिकाले कुनै कसर बाकी नराख्ने बताए ।
उक्त कार्यक्रममा घिरिङ स्वास्थ्य चौकीका प्रमुख पृतम थापाले स्वागत मन्तव्य राखेका थिए । कार्यक्रममा प.हे.न.बिष्णु पौडेल, सेवा प्रदायक अनमी जानुका श्रेष्ठ, फुला आधारभुत स्वास्थ्य सेवा केन्द्र प्रमुख प्रबिन श्रेष्ठ, गड्यौलिटार सामुदायिक स्वास्थ्य इकाईका स्वास्थ्यकर्मिहरुको सहभागिता रहेको थियोे ।
कार्यक्रमको सन्चालन तथा ब्यबस्थापन स्वास्थ्य शाखा प्रमुख कृष्ण प्रसाद रिमालले गरेका थिए । सो कार्यक्रममा १४ जना गर्भवती महिलाको भिडियो एक्स रे गरिएको थियो ।
