तनहुँ । कार्तिक २५
राष्ट्रिय प्रजातन्त्र पार्टी शुक्लागण्डकीले मंगलबार दुलेगौंडामा कार्यकर्ता भेलाको आयोजना गरेको छ । वर्तमान अवस्थामा राप्रपाको भूमिका र दायित्व विषयमा उक्त आम भेला आयोजना गरिएको नगर कार्यसमितिका सचिव उपेन्द्रलाल श्रेष्ठले जानकारी दिए ।
दुलेगौंडास्थित नेवार समाज हलमा विहान ११ बजे कार्यक्रम हुनुपूर्व वन्केवाचोकदेखि ¥याली निकालिएको थियो । भेलालाई केन्द्रीय प्रवक्ता ज्ञानेन्द्र शाही, केन्द्रीय सदस्य तथा प्रशिक्षण विभागकी उपाध्यक्ष खुस्बु ओली र गण्डकी प्रदेश अध्यक्ष पञ्चराम गुरुङ, जिल्ला अध्यक्ष बिनोद घर्ती लगायतले सम्बोधन गरेका थिए ।
उक्त भेला एवं नगर अधिवेशनले ऋतु भुवाईको अध्यक्षतामा नगर कार्य समिति चयन गरेको छ । अधिवेशनले उपाध्यक्षमा बालाराम पाण्डे, पुजा लामा र हरिश्चन्द्र महत, सचिवमा उपेन्द्रलाल श्रेष्ठ, सहसचिवमा केशवराज पौडेल र कोषाध्यक्षमा सरोज लम्साललाई चयन गरेको छ ।
त्यस्तै सदस्यहरुमा नेत्रबहादुर कार्की, मिनकुमारी बिक, विक्रम खाँड ठकुरी, तुलसी पौडेल, सूर्य पौडेल, जङ्गबहादुर गोदार, दिननाथ भण्डारी, शरद थापा र पल शाही रहेका छन् ।
