काठमाडौं । मंसिर १
नेपाल प्रहरीका पूर्वमहानिरीक्षक सर्वेन्द्र खनालले पनि नयाँ राजनीतिक पार्टी गठन गर्ने भएका छन् । दल दर्ताको निवेदन लिएर उनको समूह निर्वाचन आयोगमा पुगेको छ ।
खनालले ‘समुन्नत नेपाल पार्टी’ नाममा दल दर्ता गर्न लागेका हुन् । यो पार्टीको अध्यक्ष उनी आफैं रहनेछन् । आइतबार नै यो दल दर्ताका लागि राजबाबु यादवका नाममा निवेदन परेको थियो । सोमबार खनाल स्वयम् गएर निवेदन संसोधन गर्दै अध्यक्षमा आफ्नो नाम राखेका हुन् ।
उक्त दलमा ३५ जनाको केन्द्रीय समिति प्रस्ताव गरिएको छ । महासचिवमा बालकृष्ण पण्डितको नाम छ । आफ्नो पार्टीलाई पूर्व सुरक्षाअधिकारीहरुको ठूलो समूहले साथ दिने खनालले दावी गरेका छन् ।
