तनहुँ । मंसिर २१
नेपाल पुलिस स्कुलले आयोजना गरेको गण्डकी प्रदेशस्तरीय अन्तर विद्यालय यु–१६ छात्र फुटबलको उपाधी तालवेशी माविले जितेको छ । आइतबार भएको फाइनल खेलमा ज्ञानबगैचा इङलिस बोर्डिङ स्कुललाई १–० को अन्तरले तालवेशीले उपाधी हात पारेको हो । विजेता तालवेशीले ५० हजार र उपविजेता ज्ञान बगैचाले २५ हजारको साथमा ट्रफी, मेडल र प्रमाणपत्र प्राप्त गरे ।
नेपाल पुलिस स्कुलको आयोजनामा बेलचौतारामा आयोजित सेमिफाइनलमा शनिबार ज्ञान बगैचाले ३–२ को अन्तरले अमर भुपु सैनिक र तालवेशीले टाइब्रेकरमा ५–४ को गोलले नेपाल पुलिस स्कुललाई पराजित गरेका थिए । मीन माविलाई पराजित गर्दैै तालवेसी सेमिफाइनल पुगेको हो भने नेपाल आदर्शलाई ३–२ गोल अन्तरले हराउदै आयोजक नेपाल पुलिस स्कुल सेमिफाइनल प्रवेश गरेको थियो ।
नकआउट प्रणालीमा भएको उक्त प्रतियोगितामा तनहुँ र कास्कीबाट १६ विद्यालयको सहभागिता रहेको खेल संयोजक एवं शिक्षक लेखमान श्रेष्ठले जानकारी दिए । प्रतियोगिताका सर्वोत्कृष्ट खेलाडीले नगद ४ हजार, उत्कृष्ट गोल रक्षक, सर्वाधिक गोलकर्ता र उदयमान खेलाडीलाई जनही २ हजार रुपैयाँसँगै ट्रफी, मेडल र प्रमाणपत्र प्रदान गरिएको नेपाल पुलिस स्कुलका प्राचार्य रामचन्द्र शाहीले जानकारी दिए ।
