तनहुँ । मंसिर २८
नेपाल नेत्रज्योति संघ, हिमालय आँखा अस्पतालको आयोजना र म्याग्दे गाउँपालिकाको सहजिकरणमा यही पौष ३ गते थर्पु आधारभुत अस्पतालमा निशुल्क आँखा उपचार शिविर हुने भएको छ । थर्पु आधारभुत अस्पतालमा आँखा उपचार केन्द्रको उद्घाटनको अवसरमा, जलबिन्दु रोगको विषेश जाँच सहित निशुल्क आँखा शिविर हुने म्याग्दे गाउँपालिकाले जनाएको छ ।
सो शिविरमा जलविन्दु, मोतीविन्दु एवम् अन्य आँखाका समस्या भएका सबैले समयमै सम्पर्क राखी मौकाको फाइदा उठाउनहुन अनुरोध गरिएको छ । साथै उक्त शिविरमा छनौट भएका विरामिको हिमालय आँखा अस्पताल पोखरामा निःशुल्क अप्रेसन गरीने गाउँपालिकाका स्वास्थ्य शाखाका प्रमुख तिलकराज घिमिरेले बताए ।
म्याग्दे गाउँपालिका र पोखराको हिमालय आँखा अस्पताल विच भएको सम्झौता अनुसार आगामी पुस ३ गतेदेखी थर्पु आधारभुत अस्पतालमा नियमित रुमपा आँखा उपचार गरिने भएको छ । सम्झौता अनुसार पौष ३ गतेबाट म्याग्दे गाउँपालिका–४ स्थित थर्पु आधारभुत अस्पतालमा नियमित रुपमा हिमालय आँखा अस्पतालको प्राविधिकद्वारा दैनिक रुपमा आँखा परिक्षण सेवा हुनेछ ।
