तनहुँ । मंसिर २९
उज्यालो नेपाल पार्टीले गण्डकी प्रदेश संयोजकको जिम्मेवारी तनहुँका मनराज गुरुङलाई दिएको छ । गुरुङले सोमबार उक्त पार्टीको प्रदेश संयोजकको जिम्मेवारी पाएका हुन् ।
तनहुँको शुक्लागण्डकी नगरपालिका–१२ का पूर्ववडाध्यक्ष रहेका मनराजले मंसिर १६ गते मात्रै नेपाली कम्युनिष्ट पार्टी परित्याग गरेका थिए । उनी तत्कालिन नेकपा माओवादी केन्द्रको गन्डकी प्रदेश कमिटिको सदस्यको जिम्मेबारी थिए । उक्त जिम्मेबारी सहित पार्टीको साधारण सदस्य परित्याग गरि गुरुङ उज्यालो नेपाल पार्टीमा प्रवेश गरेका थिए ।
जेन–जी आन्दोलनमा उठाएका युवाहरुको मुद्वामा पार्टीको भूमिका र नेतृत्व परिवर्तनमा आवाज उठाइरहेका उनी १६ घटक मिलेर नेपाली कम्युनिष्ट पार्टी बनेपछि झनै असन्तुष्ट भए ।
उर्जा, जलस्रोत, भौतिक पूर्वाधार तथा सहरी विकास मन्त्री कुलमान घिसिङ संरक्षक रहेको पार्टीले शनिबार गण्डकी भेला गरेको थियो । आइतबार मन्त्री घिसिङ तनहुँका विभिन्न कार्यक्रममा सरिक भए । मन्त्री घिसिङको तनहुँको सम्पुर्ण कार्यक्रमको संयोजन गुरुङले गरेका थिए ।
