तनहुँ । पुस १
राष्ट्रिय स्वतन्त्र पार्टीको व्यास नगर अन्तर्गतका विभिन्न वडाहरुको अधिवेशन बुधबारबाट सुरु हुने भएको छ । रास्वपा व्यास नगर समितिका अध्यक्ष चुडामणी दाहालले सुचना प्रकाशन गरि वडा अधिवेशनको मिति सार्वजानिक गरेका हुन् ।
जस अनुसार पुस २ गते बुधबार व्यास नपा १३ को वडा अधिवेशन बेनीकोटमा हुने भएको छ । उक्त अधिवेशनको राष्ट्रिय स्वतन्त्र पार्टीका उपसभापती डा.स्वर्णिम वाग्लेले उद्घाटन गर्ने कार्यक्रम रहेको छ ।
त्यसैगरि अन्य कार्यक्रमहरुमा पुस ३ गते वडा नम्बर ३ को अधिवेशन सन्तोष होटल दमौलीमा, पुस ५ गते वडा नम्बर १ को अधिवेशन स्वामी चौतार हाईस्कुलटारमा, पुस १० गते वडा नम्बर ५ को अधिवेशन पिपलटार बाख्रे जाने चोकमा, पुस १२ गते वडा नम्बर ४ को अधिवेशन पावर हाउस पछाडी दरै भवनमा हुने भएको छ ।
अध्यक्ष दाहालका अनुसार पुस १९ गते वडा नम्बर ११ को अधिवेशन वडा कार्यालय नजिक जामुनेटोलमा, पुस २२ गते वडा नम्बर ३ को अधिवेशन पार्टी कार्यालयमा, पुस २६ गते वडा नम्बर ८ को अधिवेशन बर्लाचीमा, पुस २७ गते वडा नम्बर १४ को अधिवेशन केशवटारमा र पुस २९ गते वडा नम्बर ६ को अधिवेशन सिसाघाटमा हुने तय भएको छ । बाँकी रहेका अन्य वडाहरुमा पनि चाँडै नै मिति सार्वजानिक गरिने र सबै वडाहरुको अधिवेशन पश्चात नगर समितिको अधिवेशन गरिने अध्यक्ष दाहालले बताए ।
पार्टीभित्रको आन्तरिक लोकतन्त्रलाई संस्थागत गर्दै संगठनलाई थप सबल बनाउने उद्देश्यका साथ यो प्रक्रिया अघि बढाइएको नगर सभापती दाहालले बताए । नगर अधिवेशनमार्फत नेतृत्व चयनसँगै संगठनात्मक संरचना मजबुत बनाउने र आगामी राजनीतिक गतिविधिका लागि स्पष्ट दिशा तय गर्ने दाहालले बताए ।
अध्यक्ष दाहालले वडा अधिवेशनमा सबै नगर सदस्य, प्रतिनिधि तथा सरोकारवालालाई कार्यतालिका अनुसार समयमै उपस्थित भई अधिवेशन प्रक्रियामा सक्रिय सहभागिता जनाउन आग्रह गरेका छन् ।
