तनहुँ । पुस ५
राष्ट्रिय स्वतन्त्र पार्टी (रास्वपा) ले समानुपातिक निर्वाचन प्रणाली अन्तरगतका आन्तरिक उम्मेदवार छनोट प्रक्रियामा परेका प्रारम्भिक उम्मेदवारको नामावली सार्वजनिक गरेको छ । उक्त नामावलीमा तनहुँ जिल्लाबाट चार जनाको नाम समावेश भएको छ ।
उक्त प्रराम्भिक सुचीमा केही महिना अघि नेकपा एमाले परित्याग गरि रास्वपा प्रवेश गरेका नुरमहोम्मद मियाँ मुस्लिम समुदायबाट, आदिवासी जनजाती समुदायबाट डुम्रेका व्यवसायी मानकाजी श्रेष्ठ तथा दलित समुदायबाट बुद्धिबहादुर पन्त र किशोर गन्धर्व समावेश भएका छन् ।
पार्टीका अनुसार प्रदेशको पहिलो चरणको प्रारम्भिक उम्मेदवार सूचीमा समावेश उम्मेदवारसँग छलफल यही पौष ५ गते सातै प्रदेशमा भएको छ ।
उम्मेदवार छनोट रूपरेखा अनुसार पौष ६ र ७ गते सम्बन्धित प्रदेशमै घरदैलो कार्यक्रम सञ्चालन गरिने भएकाले सूचीमा समावेश उम्मेदवारलाई आवश्यक तयारी समयमै पूरा गर्न पार्टीले अनुरोध गरेको छ ।
यसैगरी, थप जानकारीका लागि सम्बन्धित प्रदेश सभापतिसँग सम्पर्क गर्न तथा कुनै कारणवश कसैको नाम सूचीमा छुटेको भए पनि प्रदेश सभापतिमार्फत जानकारी गराउन उम्मेदवार छनोट समितिले आग्रह गरेको छ ।
