विष्णु मगर । देवघाट, पुस ९
देवघाट गाउँपालिका–५ नयाँबस्तीका स्वतन्त्र प्राथाना मण्डलीका सदस्यहरुले क्रिसमस डे भव्य रुपमा मनाएका छन् । उक्त कार्यक्रममा प्रमुख अतिथि देवघाट गाउँपालिका उपाध्यक्ष भुवन सिं गुरुङले जसरी प्रभु इशु ले माया गर्छ त्यसरीनै जनतालाई जनप्रतिनिधिले माया गरिने बताए ।
देवघाट वडा नम्बर ५ मा रहेको सबै मण्डलीहरु एक भएर पालिकामा दर्ता गरि बृहत् रुपमा कार्यक्रम आयोजना गर्नको लागि माग गरियो भने पालिकाले सहयोग गर्ने उपाध्यक्ष गुरुङले बताए । मानिसहरुमा परिवर्तन जरुरी रहेको र प्रभु इशुको वचनमा धेरै अर्थपुर्ण शब्दहरु सिकाउने हुनाले मानिसहरुले जुनसुकै धर्म मनाउन पाउने उसको अधिकार रहेको गुरुङले बताए ।
सो स्वतन्त्र प्राथाना मण्डलीका पास्टर सोम थापाले क्रिस्चियन धर्ममा लागेर मानिसले जीवन परिवर्तन गरेको बताए । मानिसहरु यसमा लागेपछि नराम्रो काममा नलागेको र झुटोहरु नबोल्ने थापाले बताए ।
सो कार्यक्रमा सहपास्टर मनोज थापाले स्वागत मन्तव्य राखेको थियए । उक्त अबसरमा भजन गाउँदै नृत्य गर्दै भव्य तरिकाले क्रिसमस डे मनाएका थिए ।
