तनहुँ । पुस १५
आगामी फागुन २१ गते हुने प्रतिनिधि सभाको निर्वाचनको लागि तनहुँका दुबै निर्वाचन क्षेत्रबाट उम्मेदवार सिफारिस गर्न एमाले तनहुँले क्षेत्रीय समन्वय कमिटिको बैठक आह्वान गरेको छ ।
पार्टी केन्द्रीय निर्देशन अनुसार प्रतिनिधि सभको प्रत्यक्ष निर्वाचनका लागी आकांक्षीहरुको नाम नाम पौष २० गते पठाउनुपर्ने भएकोले क्षेत्रीय निर्वाचन समन्वय कमिटीको बैठक बोलाईएको एमाले तनहुँका सचिव प्रदिपराज अधिकारीले बताए ।
सचिव अधिकारीका अनुसार निर्वाचन क्षेत्र नम्बर २ को बैठक पौष १८ गते खैरेनीटार खानेपानी तथा सरसफाई उपभोक्ता समितिको कार्यालयमा र क्षेत्र नम्बर १ को बैठक पौष १९ गते जिल्ला पार्टी कार्यालय दमौलीमा बोलाईएको छ । उक्त बैठकमा प्रतक्ष्य तर्फका उम्मेदवारको आकांक्षीहरुको नाम संकलन गरि जिल्ला कमिटि मार्फत केन्द्रमा पठाईने सचिव अधिकारीले बताए ।
