तनहुँ । पुस १९
नेपाली काँग्रेस व्यास नपा–१ का केही कार्यकर्ता राष्ट्रिय स्वतन्त्र पार्टीमा प्रवेश गरेका छन् । व्यास १ को अकला बगैंचा टोलमा शुक्रबार आयोजित कार्यक्रममा सो टोलका नेपाली काँग्रेसका सभापती काजी बस्नेत सहित करिब एक दर्जन कार्यकर्ता रास्वपामा प्रवेश गरेका थिए ।
रास्वपामा प्रवेश गर्नेहरुलाई सो पार्टीका उपसभापती डा.स्वर्णिम वाग्लेले स्वागत गरेका थिए । उक्त कार्यक्रममा निवर्तमान सांसद समेत रहेका उपसभापती वाग्ले, रास्वपा जिल्ला संयोजक विश्वनाथ बास्तोला, व्यास नगर सभापती चुडामणी दाहाल लगातयको उपस्थिती रहेको थियो ।
