बारा । पुस २०
नेकपा (एमाले) ले बाराको क्षेत्र नम्बर ४ बाट प्रतिनिधिसभा सदस्यको उम्मेदवारका रुपमा केन्द्रीय सदस्य कृष्णकुमार श्रेष्ठ (किसान) सहित ३ जनाको नाम सिफारिस गरेको छ ।
श्रेष्ठ पहिलो नम्बरमा सिफारिस हुँदा अमर यादव र सीता गुरुङ पनि सिफारिस भएका हुन् । सिफारिस भएका सबै नाम आजै केन्द्रमा पठाइने पार्टीका जिल्ला अध्यक्ष अध्यानन्द पाण्डेले बताए ।
पहिलो नम्बरमा सिफारिस हुने श्रेष्ठले २०७९ को निर्वाचनमा सोही क्षेत्रबाट चुनाव जितेका थिए । उनले २०७४ को निर्वाचनमा तनहुँबाट वर्तमान राष्ट्रपति रामचन्द्र पौडेललाई हराउँदै जित निकालेका थिए ।
