तनहुँ । पुस २०
राष्ट्रिय स्वतन्त्र पार्टीले उम्मेदवार छनौटकोलागि उपसभापती डा. स्वर्णिम वाग्लेको संयोजकत्वमा समिति बनाएको छ ।
रास्वपाको आइतबार बसेको केन्द्रीय समितिको बैठकले आगामी फागुन २१ गते हुने प्रतिनिधिसभा सदस्य निर्वाचनका लागि योग्य उम्मेदवार छनोट गर्नका लागि पार्टी उपसभापति वाग्लेको संयोजकत्वमा उम्मेदवार सिफारिस उपसमिति गठन गर्ने निर्णय गरेको हो ।
पार्टीका प्रवक्ता मनीष झाले उपसमितिलाई योग्य उम्मेदवार छनोट र उक्त प्रक्रियाको सिफारिस गर्ने जिम्मेवारी दिइएको बताए । उपसमितिका सदस्यहरू पार्टी सचिवालयले मनोनयन गर्नेछ ।
