तनहुँ । पुस २२
लायन्स क्लव अफ बेलचौतारा टाउनले शुक्लागण्डकी–११ साँखेस्थित आधारभूत माध्यमिक विद्यालयका ६१ विद्यार्थीलाई ५० हजार बराबरको शैक्षिक सामाग्री र न्यानो कपडा वितरण गरेको छ ।
क्लवले विद्यार्थीलाई न्यानो कपडा, स्विटर, झोला र अन्य शैक्षिक सामाग्री उपलब्ध गराएको हो । सोमबार क्लवकी अध्यक्ष अनिता थापा र रिजन चियर पर्सन कमल गैह्रे लगायतका पदाधिकारीहरु विद्यलयमा नै पुगेर उक्त सामाग्री उपलब्ध गराएको सचिव सरस्वती पौडेल भट्टराईले जानकारी दिइन् ।
उक्त कार्यक्रममा स्थानीय समाजसेवी फुलमाया वाग्लेले बढ्दो जाडोलाई मध्यनजर गरि क्लवले उपलब्ध गराएको सहयोग विद्यार्थीका लागि प्रभावकारी हुने विस्वास ब्यक्त गरिन् ।
उक्त कार्यक्रममा विद्यालय व्यवस्थापन समितिका अध्यक्ष हुमबहादुर थापा, प्रधानाध्यापक ज्ञाननाराण पौडेल, शिक्षक अभिभावक संघका अध्यक्ष डिल्लीराम भट्टराई, विद्यालय व्यवस्थापन समितिका सदस्य हेमकाजी वाग्ले लगायतले सहयोग प्रति धन्यवाद ब्यक्त गर्दै यस्ता कार्यक्रमहरुले विद्यार्थीलाई विद्यालयप्रति आकर्षण बढ्ने बताएका थिए ।
