विष्णु मगर । देवघाट, पुस २८
माघे सक्रान्ति पर्वको अवसरमा देवघाट गाउँपालिका–२ खाल्टेमा बृहत सांस्कृतिक कार्यक्रम तथा पुरुष भलिवल प्रतियोगिता हुने भएको छ । खाल्टे स्थित न्यु प्रगतिशील युवा क्लबको आयोजनामा माघे संक्रान्तिको अवसरमा माघ १ गतेदेखी उक्त बृहत् सास्कृतिक कार्यक्रम तथा पुरुष भलिवल प्रतियोगिता आयोजना गरिएको हो ।
‘सभ्य भाषा सभ्य सस्कार जगेर्ना गरौं, आफ्नो गाउँ आफै बनाउँ’ भन्ने मुल नाराका साथ सो कार्यक्रम आयोजना गर्न खोजिएको कलाकार संयोजक राम वशीं ठकुरीले बताए । यस वर्ष क्लवको ट्रस भवन निर्माणकोलागि उक्त कार्यक्रम आयोजना गर्न लागिएको कार्यक्रम संयोजक किरण मल्लले बताए ।
क्लवले माघे सक्रान्तिमा विगतदेखी नै सांस्कृतिक कार्यक्रम तथा खेलकुँदका कार्यक्रम गर्दै आएको छ । यसवर्ष माघ १ गते सांस्कृतिक कार्यक्रम तथा माघ २ गतेदेखी भलिवल प्रतियोगिता आयोजना गर्न लागिएको क्लवले जनाएको छ । उक्त कार्यक्रम माघ ४ गते समापन हुने क्लबका कार्यक्रम ब्यवस्थापक प्रमोद मल्लले बताए ।
सांगीतिक धमाका अन्तर्गत चर्चित लोक तथा दोहोरी गायक राजु गुरूङ्ग, गायिका गिता आले मगर, गायक विष्णु मल्ल, गायक छबि खाँण ठकुरी र मोडल राम रानाको बेजोड प्रस्तुती रहने आयोजले बताएको छ ।
भलिवल प्रतियोगिताको विजेताले ३५ हजार, उपविजेताले २५ हजार र तृतीय हुने टोलीले १५ हजार सहित शिल्ड मेडल र प्रमाणपत्र प्राप्त गर्ने भने प्रतियोगिताको नाम इन्ट्रि शुल्क ३ हजार रहेको क्लवले जनाएको छ ।
