तनहुँ । माघ १
व्यास नगरपालिका–३, दमौलीस्थित महर्षी वेदव्यास संस्कृत माविमा व्यास नपा–३ को आचार्य परिवारद्वारा ५ लाख रुपैयाँ राशीको दुर्गा–कृष्ण–शशी आचार्य अक्षयकोष’ स्थापना गरिएको छ ।
व्यास नपा–३ की समाजसेवी, महिला नेतृ तथा नेपाल महिला संघ तनहुँकी पूर्व सभापति स्वर्गीय शशी आचार्यको वार्षिक पुण्यतिथिमा विहिबार पाँच लाख रुपैयाँ राशीको ‘दुर्गा–कृष्ण–शशी आचार्य अक्षयकोष’ स्थापना गरिएको हो ।
स्वर्गिय आचार्यकी बुहारी राधा आचार्य, नाति डा. किशोर आचार्य, नातिनी बुहारी दिव्या नेपाल आचार्य, छोरीहरू नारायणी, सरिता र इन्दिरा, ज्वाइँहरू तथा आचार्य परिवारको संयुक्त पहलमा उक्त अक्षयकोष स्थापना गरिएको हो ।
बुधबार विद्यालयमा आयोजित कार्यक्रममा अक्षयकोष वापतको चेक हस्तान्तरण गरिएको थियो । उक्त अक्षयकोषबाट प्राप्त ब्याज रकम मार्फत विद्यालयमा अध्ययनरत बटुकहरूको भागवत सेवा तथा बटुक सेवामा खर्च गरिने जानकारी बुहारी राधा आचार्यले दिइन् ।
अक्षयकोष स्थापनासँगै उक्त अवसरमा विद्यालयमा अध्ययनरत ३० जना बटुकहरूलाई बिहानको पूजा सामग्री (म्याटेस), भोजन, कपडा तथा दक्षिणा समेत प्रदान गरिएको थियो ।
कार्यक्रममा विद्यालय व्यवस्थापन समितिका अध्यक्ष तुलसीशरण सिग्देलले समाजसेवी तथा महिला अधिकारका लागि सक्रिय शशी आचार्यको योगदान स्मरण गर्दै आचार्य परिवारप्रति धन्यवाद व्यक्त गरिन् । उनले यस किसिमको योगदानले संस्कृत शिक्षाको संरक्षण, संवद्र्धन र सामाजिक सेवाको भावना प्रवद्र्धनमा महत्वपूर्ण टेवा पुग्ने बताए ।
उक्त अवसरमा व्यास नगरपालिकाका शिक्षा शाखा प्रमुख केदार आचार्य, पूर्व शिक्षा प्रमुख नरेन्द्रप्रसाद रेग्मी, कर्मचारी युनियनका पूर्व अध्यक्ष तथा समाजसेवी विशेश्वर सुवेदी लगायतको उपस्थिति रहेको थियो ।
