तनहुँ । माघ ११
नेपाली कम्यूनिष्ट पार्टी (नेकपा) तनहुँ क्षेत्र नम्बर १ का उम्मेदवार विद्यानाथ ढकाललाई बिजयी गराउन सो पार्टीको व्यास नगरपालिका स्तरीय निर्वाचन परिचालन समिति गठन गरिएको छ । शुक्रबार आयोजित कार्यक्रममा नगर कमिटिका पुर्व अध्यक्ष रामचन्द्र सापकोटाको संयोजकत्वमा ५०१ सदस्यिय निर्वाचन परिचालन समिति गठन गरिएको हो ।
कार्यक्रममा नेकपाका केन्द्रिय सदस्यहरु हरिबहादुर चुमान, आशा कोइराला, शिवलाल थापा, कलिला खान, ओमकुमारी पौडेल, प्रदेश कमिटिका सहसचिव अतिन्द्रकेशरी न्यौपाने, जिल्ला संयोजक पारस गौलीलगायतका नेताहरुको उपस्थिति रहेको थियो । उक्त बैठकमा केन्द्रीय सदस्यहरुले नेकपाको विजयलाइ अब कसैले रोक्न नसक्ने त्यसका लागि सवै तदारुकता साथ लाग्नु पर्नेमा विशेष जोड दिए । कार्यक्रममा स्वागत व्यास नगर समितिकी उपाध्यक्ष देवकी पौडेलले गरेकी थिइन् ।
उक्त अवसरमा क्षेत्र नम्बर १ का उम्मेदवार विद्या ढकालले तनहुँको विकास र समृद्धकोलागि पनि नेकपाका उम्मेदवारलाई बिजयी गराउनुपर्ने बताए । उनले नेपाली कम्युनिष्ट पार्टीको नेतृत्वमा मात्रै देशको विकास हुने बताए ।
उक्त अवसरमा सो पार्टीको आज एकता सन्देश बैठक पनि गरिएको थियो । बैठकले गोपाल सुर्खाली संयोजक र गजेन्द्रराज पन्थ सह संयोजक रहने गरि व्यास नगर कमिटि समायोजना गरेको छ । बैठकको कार्यतालिकाहरु तयार गरि सोही मुताविक पार्टीपंक्ति जनता र आम समर्थक शुभचिन्तक समेतको सहभागीतामा निर्वाचन अभियानको थालनी गरिएको छ ।
