तनहुँ । माघ २०
राष्ट्रिय स्वतन्त्र पार्टी तनहुँ क्षेत्र नम्बर १ का उम्मेदवार डा.स्वर्णिम वाग्ले मंगलबार आबुँखैरेनीको विभिन्न वडाका मतदातालाई भेटेका छन् । वाग्लेले मंगलबार आँबुखैरेनी गाउँपालिका वडा नम्बर ४ का विभिन्न स्थानमा घरदैलो कार्यक्रम सम्पन्न गरेका छन् ।
उक्त अवसरमा स्थानीय जनतासँग प्रत्यक्ष भेटघाट गर्दै वाग्लेले जनताको समस्या, आवश्यकता र विकासका अपेक्षाबारे छलफल गरेका थिए । वाग्लेले तनहुँको बृहत्तर विकासकोलागि रास्वपाको नेतृत्वमा बन्ने सरकारले काम गर्ने बताए ।
सोमबार देवघाट गएका वाग्लेले हिन्दु धर्मको बारेमा आफुले बोल्दै नबोलेको विषयलाई विपक्षीहरुले दुश्प्रचार गरेको बताए । देवघाटका कार्यकर्तामाझ वाग्लेले आफु जन्मजात हिन्दु भएको र हिन्दुहरुको आस्थालाई चोट पुग्ने गरि कुनै पनि अभिव्यक्ति नदिएको र भविष्यमा पनि त्यस्तो नगर्ने बताए ।
