विष्णु मगर । देवघाट, माघ २५
देवघाट गाउँपालिका वडा नम्बर ३ का युवाहरुलाई देवघाट गाउँपालिका–५ का समाजसेवी तथा सफल व्यवसायी शुकलला गुरुङले भलिवल र नेट उपलब्ध गराएका छन् । गुरुङले आइतबार युवाहरुलाई करिब १२ हजार रुपैयाँ बराबरको उक्त खेलकुँद सामाग्री उपलब्ध गराएका हुन् ।
युवाहरूलाई खेलकुदतर्फ प्रोत्साहित गर्दै स्वस्थ समाज निर्माणमा टेवा पु¥याउने उद्देश्यले सहयोग गरेको गुरुङले बताए । पछिल्लो समयमा खेलकुदबाट देश देखि विदेशसम्म देशलाई चिनाउने काम भएको भन्दै गुरुङले संघ, प्रदेश र स्थानिय सरकारले खेल र खेलाडी प्रति खासै ध्यान दिन नसक्दा युवाहरु खेलबाट टाढा हुन परेकोले आफुले सहयोग गरेको बताए ।
हरेक व्यक्तिले यसरीनै युवाहरुको चाहाना र भावनालाई बुझेर सहयोग गर्न सके देवघाटका युवाहरुले पनि एकदिन राष्ट्रिय स्तरमा देवघाटको नाम चिनाउन सक्ने गुरुङले बताए ।
