तनहुँ । फागुन १
नेकपा एमाल तनहुँ क्षेत्र न २ का उमेदवार केदार सिग्देल मतदातालाई भेट्न शुक्रबार नवलपुरको कावासोती पुगे । तनहुँ क्षेत्र नम्बर २ का विभिन्न पालिका स्थायी घर घई हाल नवलपुरको कावासोती वरपर बस्दै आएका मतदातालाई भेट गर्न सिग्देल कावासोती गएका हुन् ।
कावासोती खानेपानी तथा सरसफाई उपभोक्ता संस्थाको कार्यालयमा आयोजित कार्यक्रममा नेकपा एमालेका केन्द्रीय सदस्य समेत रहेका उम्मेदवार सिग्देलले चुनावको समयमा आफ्नो घर फर्केर मतदानमा भाग लिन र एमालेलाई बिजयी गराउन अनुरोध गरे ।
सो अवसरमा सिग्देलले तनहुँ–२ को विकासकोलागि गर्नुपर्ने कामहरुको बारेमा पनि सुझाव मागेका थिए । उक्त कार्यक्रममा नेकपा एमाले गन्डकी प्रदेश कमिटिका सदस्य होमबहादुर थापा, नेकपा एमाले तनहुँ जिल्ला कमिटिका अध्यक्ष हरिराज कडेंल तथा तनहुँ–२ घर भई कावासोतीमा विभिन्न पेशा र व्यवसाय गरेर बस्दै आएका विभिन्न व्यक्तिहरुको सहभागिता रहेको थियो ।
