तनहुँ । फागुन ४
केही समय अगाडिसम्म उज्यालो नेपाल पार्टीको गण्डकी प्रदेश संयोजक रहेका युवा नेता मनराज गुरूङ नेकपा एमालेमा प्रवेश गरेका छन् ।
नेकपा माओवादी केन्द्र नेपाली कम्युनिस्ट पार्टीमा समायोजन भएपछि गुरूङले असन्तुष्टि व्यक्त गर्दै पार्टीबाट राजिनामा दिएका थिए । त्यसपछि उनी कुलमान घिसिङको उज्यालो पार्टीमा प्रवेश गर्दै गण्डकी प्रदेशको संयोजक बने । उनेपाबाटै उनले फागुन २१ को निर्वाचनमा तनहुँ क्षेत्र नम्बर २ बाट उम्मेद्वारी दिएका थिए । पछि गुरूङले उम्मेद्वारी फिर्ता लिदै रस्वपालाई समर्थन गर्ने घोषणा गरे ।
गुरूङले रास्वपालाई समर्थन गर्ने मात्रै नभइ रास्वपा प्रवेशको चर्चा चल्यो । अहिले फेरि उनी नेकपा एमालेमा प्रवेश गरेका छन् ।
तत्कालीन नेकपा (माओवादी केन्द्र) शुक्लागण्डकी नगरपालिका कमिटीका अध्यक्ष समेत रहेका गुरूङ शुनपा १२ का पूर्व वडाध्यक्ष समेत भइसकेका छन् ।
