तनहुँ । फागुन ३
राष्ट्रिय स्वतन्त्र पार्टीबाट तनहुँ क्षेत्र नम्बर १ का उम्मेदवार डा.स्वर्णिम वाग्लेले सम्मानजनक मत ल्याएर चुनाव जित्ने दाबी गरेका छन् । टेलिभिजन कार्यक्रम ‘प्रष्ट प्रश्न’ मा सन्चालक राजेन्द्र बानियाँसँग भानु नपाको टुहुरे पसलमा अन्तवार्ता दिँदै वाग्लेले सम्मानजनक मत ल्याएर चुनाव जित्ने दाबी गरे ।
२०८० मा भएको उपचनिर्वाचनमा तनहुँ–१ बाट अत्याधिक मत सहित सांसद निर्वाचित भएका वाग्लेले यस पटक पनि आफुले सम्मानजनक मत ल्याएर जित्ने दाबी गरेका हुन् । उनले आगामी सरकार राष्ट्रिय स्वतन्त्र पार्टीको नेतृत्वमा बहुमत सहितको सरकार बन्ने दावी गर्दै वाग्लेले उक्त सरकारले तनहुँको दिर्घकालिन विकासकोलागि काम गर्ने बताए ।
तनहुँमा ‘गेम चेन्जर योजना’ सन्चालन गर्ने उनले दाबी गरे । आफुलाई कहिले धर्मको नाममा त कहिले विकासको काम नगरेको, गाउँ फर्केर नआएको भन्दै विपक्षीहरुले आलोचना गरेको भन्दै वाग्लेले ति सबै आरोपलाई तनहुँका जनताले मतपत्र मार्फत खारेज गर्ने दाबी गरे ।
वाग्लेलाई लाग्दै आएको एमसिसिको एजेण्ट भन्ने आरोप पनि उनले खण्डन गरे । एमसिसि पारित गर्ने काँग्रेस, एमाले र माओवादी भएको उनले आरोप लगाए । निर्वाचनमा रास्वपाले बहुमत प्राप्त गर्ने वाग्लेले दाबी गरे ।
