तनहुँ । फागुन २०
तनहुँ क्षेत्र नम्बर १ र २ मा मतगणनाको लागि तारजाली सहितको सुरक्षित स्थल तयार गरिएको छ । क्षेत्र नम्बर १ मा मुख्य निर्वाचन अधिकृतको कार्यालय रहेको एकिकृत सेवा कार्यालयको भवन तथा क्षेत्र नम्बर २ मा निर्वाचन अधिकृतको कार्यालय रहेको स्थान शुक्लागन्डकी नगरपालिकाको भवनमा मतगणना गरिने भएको छ ।
मतगणना कार्यलाई कुनै प्रभाव नपरोस र मतपत्र च्यात्ने जस्ता कुनै अप्रिय घटना नहोस भन्ने उद्देश्यले मतगणना स्थलमा तारजालीले बारेर सुरक्षित बनाईएको छ । मतदान सम्पन्न भएपछि सबै मतदान केन्द्रबाट मत पेटिका संकलन भएपछि फागुन २२ गते शुक्रबार बिहानबाट मतगणना कार्य सुरु गरिने भएको छ ।
