तनहुँ । फागुन २४
तनहुँ क्षेत्र नम्बर १ र २ का नवनिर्वाचित सांसदहरुले आइतबार धार्मिक स्थलबाट मतदातालाई धन्यवाद दिएका छन् । क्षेत्र नम्बर १ का सांसद डा.स्वर्णिम वाग्ले व्यास नपा १४ को छाब्दी बाराही मन्दिर र क्षेत्र नम्बर २ का सांसद श्रीराम न्यौपानेले शुक्लागन्डकी नगरपालिकाको ढोरबाराही मन्दिरबाट मतदातालाई धन्यवाद दिएका छन् ।
वाग्ले आइतबार कार्यकर्ताहरुको साथमा छाब्दी बाराही मन्दिर पुगेका थिए । उनले मन्दिरको दर्शन गरि मतदातालाई धन्यवाद दिएका थिए । त्यसैगरि न्यौपाने पनि ठुलो संख्यामा कार्यकर्ताहरुको साथमा ढोरवाराही मन्दिरको दर्शन गर्न गएका थिए ।
फागुन २१ गते सम्पन्न भएको प्रतिनिधि सभाको निर्वाचनमा तनहुँ क्षेत्र नम्बर १ बाट राष्ट्रिय स्वतन्त्र पार्टीका डा. स्वर्णिम वाग्ले र क्षेत्र नम्बर २ बाट रास्वपाकै श्रीराम न्यौपाने अत्याधिक मत सहित बिजयी भएका थिए ।
यसैगरि सांसदहरुले विभिन्न स्थानमा गई मतदातालाई पनि धन्यवाद दिएका छन् ।
