तनहुँ । चैत २
नेपाल आदिवासी जनजाति महासंघ समन्वय परिषद शुक्लागण्डकीको आयोजनामा शुक्लागन्डकी नपा–५ बेलचौतारा स्थित भानुभक्त क्याम्पसको खुलाचौरमा सोमबारदेखी रैथाने खाना महोत्सव सुरु भएको छ । महोत्सवको शुक्लागन्डकी नगरपालिकाका मेयर कृष्णराज पण्डितले उद्घाटन गरे ।
हराउदै गएको रैथाने खानाको बारेमा बृहत छलफलसँगै संरक्षणकालागि उक्त रैथाने खाना महोत्सव–२०८२ आयोजना गरिएको नेपाल आदिवासी जनजाति महासंघ समन्वय परिषद शुक्लागण्डकीका अध्यक्ष कुल कुमार कुमालले बताए ।
शुक्लागण्डकी नगरपालिकाको आर्थिक सहयोगमा भएको उक्त महोत्सव अघि वडा नम्बर ५ को झरौटा र गल्छिनाबाट आदिवासी जनजातिका संस्कृति झल्कने पोशाक र बाजागाजासहितको ¥याली निकालिएको थियो ।
शुक्लागण्डकी नगरपालिकामा मगर, गुरुङ्ग, नेवार, भुजेल, कुमाल, तामाङ्ग, थकाली र राई समुदायको बसोबास रहेको छ । महोत्सवमा ती समुदायका विभिन्न रैथाने परिकारको स्वाद लिन सकिने छ । महोत्सव मंगलवार सकिने छ । समन्वय परिषद सचिव एवम् महोत्सव प्रवक्ता विर्सना श्रेष्ठका अनुसार महोत्सवस्थलमा ६ समुदायका मौलिक परम्परा घर निर्माण गरिएको छ ।
