देवघाट । जेठ १३
नेपालको धार्मिक यात्रामा आएका दक्षिण भारतको शारदापीठका पीठाधिश्वर जगतगुरु शंकराचार्य श्री बिधुशेखर भारती विहिबार देवघाट आउने भएका छन् । शंकराचार्य पोखरा हुँदै आज देवघाट आउने भएका हुन् ।
दक्षिण एसियाकै प्रतितिष्ठत आध्यात्मिक व्यक्तित्व मध्येका एक मानिने जगतगुरु शंकराचार्य तिन दिनसम्म देवघाटमा रहनेछन् । विहिबार दिउँसो देवघाट आएपछि हरिहर आश्रममा उनको स्वागत गर्ने कार्यक्रम रहेको छ । उनलाई दासढुङ्गाबाट भव्य स्वागत गरि देवघाट ल्याउने कार्यक्रम तय गरिएको छ । देवघाटमा उनको स्वागतकोलागि भव्य तयारी गरिएको छ ।
कराचार्यले शुक्रबार देवघाट स्थित हरिहर आश्रममा आयोजित कार्यक्रममा आर्शिवचन दिने कार्यक्रम रहेको छ । शंकराचार्यको नेपाल भ्रमणको व्यवस्थापन गरिरहेका सरस्वती पिठम सृङगरीमका सदस्य भरत पौडेलले शंकराचार्य तिन दिनसम्म देवघाटमा रहने बताए । देवघाटमा रहँदा यहाँका प्रमुख मठमन्दिर तथा आश्रमको अवलोकन तथा कालीगण्डकी र त्रिशुलीको संगममा स्नान गर्ने कार्यक्रम रहेको पौडेलले बताए ।
जेठ ८ गतेदेखी १५ गतेसम्म नेपालको धार्मिक विजययात्रामा आएका शंकराचार्यको देवघाट भ्रमण पछि देवघाटमा भारतीय पर्यटकहरुको संख्यामा बृद्धि हुने र त्यसले देवघाटधामको धार्मिक पर्यटनमा ठुलो टेवा पुग्ने विश्वास गरिएको छ ।
शंकराचार्य नेपाल भ्रमणको क्रममा काठमाडौ ओर्लिदा उनलाई स्वागत गर्न देवघाटका विभिन्न आश्रमका पिठाधिशहरु त्रिभुवन विमानस्थलमा गएका थिए ।
