तनहुँ । जेठ १७
शुक्लागण्डकी नगरपालिकामा राष्ट्रिय स्वतन्त्र पार्टी (रास्वपा) को प्रथम नगर अधिवेशन आइतबार सम्पन्न भएको छ । दुलेगौंडास्थित ह्वाइट हाउस पार्टी प्यालेसमा सम्पन्न अधिवेशनले निर्वाचन प्रक्रियामार्फत हरि खड्काको नेतृत्वमा नयाँ कार्य समिति गठन गरेको छ ।
सभापति पदमा भएको निर्वाचनमा हरि खड्का ७८ मतसहित विजयी भए । अर्का उम्मेदबार विजय जोशीले ५० मत प्राप्त गरे भने राजेश पाण्डेले ३९ मत प्राप्त गरेका थिए । त्यस्तै उपसभापतिमा रुपा गौतम पौडेल निर्वाचित भइन् । उनले ८८ मत प्राप्त गरेकी थिइन् । उपसभापतिका अर्का उम्मेदवार विज्ञान भण्डारीले ७४ मत प्राप्त गरेका थिए ।
सचिवमा पवित्रा पोख्रेल ८९ मतसहित विजयी भइन् । सचिव पदका अर्का उम्मेदबार सरोज पौडेलले ७६ मत प्राप्त गरेका थिए । सह–सचिवमा भने टोपबहादुर महत सर्वसम्मत रूपमा चयन भएका थिए ।
नगर कार्यसमितिका सदस्यहरूमा शालिकराम लामिछाने, सोत्रबहादुर कुमाल, कृष्णप्रसाद सिग्देल, धनमाया बानियाँ, पदमराज भुषाल, टेकबहादुर नेपाली, हिरा कार्की र सुमि परियार सर्वसम्मत चयन भए । त्यस्तै अर्जुन तिमिल्सिना र प्रकाश थापा महाधिवेशन प्रतिनिधिमा चयन भएका छन् भने तिर्थराज गर्तौला जिल्ला प्रतिनिधिमा चयन भए ।
अधिवेशनमा नगरका १२ वटै वडाका प्रतिनिधि, पार्टी कार्यकर्ता तथा शुभेच्छुकहरूको उल्लेख्य सहभागिता रहेको थियो ।
