तनहुँ । जेठ २७
अबैध रुपमा नदिजन्य पदार्थ उत्खननमा संलग्न एउटा सवारी साधनलाई प्रहरीले नियन्त्रणमा लिएको छ ।
शुक्लागण्डकी नपा–११ साँखे स्थित क्याङ्दी खोला किनारमा मंगलबार खटीई गएको प्रहरी टोलीले अवैध रुपमा नदिजन्य पदार्थ उत्खनन् गरी रहेको स्काभेटरलाई नियन्त्रणमा लिई आवश्यक कारबाहीको लागि शुक्लागण्डकी नगरपालिकाको कार्यालय दुलेगौडामा पठाएको थियो ।
उक्त सवारी साधनलाई शुक्लागण्डकी नगरपालिकाले बुधबार ४० हजार रुपैयाँ जरिवना गरि छाडेको जिल्ला प्रहरी कार्यालय तनहुँका डिएसपी तथा सुचना अधिकारी द्वारिका प्रसाद घिमिरेले जानकारी दिए ।
