तनहुँ । साउन १
जिल्ला भूमि समस्या समाधान समिति, तनहुँले देवघाट र बन्दीपुर गाउँपालिकाका भुमिहिन दलित, भुमिहिन सुकुम्बासी र अव्यवस्थित बसोबासीहरुको प्रमाणिकरण कार्य सुरु गरेको छ । समितिले सम्बन्धित पालिकाबाट प्रमाणीकरण भई आएको भूमिहीन दलित, भूमिहीन सुकुम्बासी र अब्यबस्थित बसोबासीहरु १४५ जना लाभग्राहीहरुको नामावली प्रमाणिकरणको लागि शुक्रबार प्रकाशन गरेको छ ।
नामावली प्रकाशित भएका लाभग्राहीहरुको अन्तिम रुजु जिल्ला समितिले गर्ने र जग्गाधनी प्रमाणपुर्जा वितरणको काम सुरु गरिने भएको छ ।
नामावली प्रकाशित भएका लाभग्राहीहरुमा देवघाट गाउँपालिका वडा नम्बर १ का २२ जना भुमिहिन सुकुम्बासी र २० जना भुमिहिन दलित रहेका छन् । त्यसैगरि बन्दीपुर गाउँपालिका वडा नम्बर १ का ७१ जना भुमिहिन सुकुम्बासी र ११ जना भुमिहिन दलित रहेका छन् ।
