अवैध चिरान काठ लोड गरिएको ट्याक्टर प्रहरी नियन्त्रणमा

Devghat Online

शेयर गरौ

तनहुँ । साउन १२

तनहुँमा अवैध रूपमा काठ ओसारपसार गरिरहेको अवस्थामा एक ट्याक्टरलाई प्रहरीले नियन्त्रणमा लिएको छ । जिल्ला प्रहरी कार्यालय तनहुँ मातहत रहेको अस्थायी प्रहरी पोष्ट झापुटारबाट खटिएको नियमित गस्ती टोलीले मङ्गलबार ऋषिङ गाउँपालिका वडा नं. १ झापुटारस्थित सडकमा रोकिराखेको ट्याक्टरलाई नियन्त्रणमा लिएको हो ।

उक्त ट्याक्टर जाँच गर्ने क्रममा गैरकानुनी रूपमा लोड गरिएको ७०.४२ क्युबिक फिट चिरान काठ फेला परेको प्रहरीले जनाएको छ । जिल्ला प्रहरी कार्यालय तनहुँका सूचना अधिकारी प्रहरी नायव उपरीक्षक द्वारिका प्रसाद घिमिरेका अनुसार, नियन्त्रणमा लिइएको काठ र ट्याक्टरलाई आवश्यक कानुनी कारबाहीका लागि डिभिजन वन कार्यालय, तनहुँमा पठाइएको छ ।

प्रतिक्रिया दिनुहोस्

सम्बन्धित समाचारहरू

व्यासको बेनीकोटमा ‘उद्यमशीलतायुक्त सांस्कृतिक गाउँ’ परियोजना सुरु, डेढ करोड बजेट विनियोजन

तनहुँ । मंसिर २ गण्डकी प्रदेश सरकार र व्यास नगरपालिकाको संयुक्त साझेदारीमा व्यास नगरपालिका–१३ स्थित