तनहुँ । साउन २१
ऋषिङ गाउँपालिकाले आर्थिक वर्ष २०८२/०८३ मा सञ्चालित विकास निर्माण तथा वार्षिक कार्यक्रमहरूको समग्र प्रगति समीक्षा कार्यक्रम बिहीबार सम्पन्न गरेको छ ।
गाउँपालिकाको आयोजनामा सम्पन्न उक्त समीक्षा कार्यक्रममा गत आवमा सञ्चालित भौतिक पूर्वाधार, सामाजिक विकास, सेवा प्रवाह तथा बजेट कार्यान्वयनको अवस्थाबारे गहन छलफल गरिएको थियो । साथै, आगामी आर्थिक वर्षमा विकास निर्माणका योजनाहरूलाई समयमै सम्पन्न गर्ने र जनतालाई प्रदान गरिने सेवा प्रवाहलाई अझ प्रभावकारी, पारदर्शी एवम् परिणाममुखी बनाउने साझा प्रतिबद्धता व्यक्त गरिएको छ ।
उक्त कार्यक्रममा गत आव २०८२/०८३ मा गाउँपालिकाभर सञ्चालित योजना, हासिल भएका उपलब्धि तथा कार्यसम्पादनका क्रममा भोग्नुपरेका व्यावहारिक चुनौतीहरूबारे समीक्षा गरिएको थियो । कार्यक्रममा बोल्दै गाउँपालिकाका अध्यक्ष राजेन्द्रकृष्ण श्रेष्ठले स्थानीय नागरिकलाई दिइने सेवालाई सहज, छरितो र उत्तरदायी बनाउने प्रतिबद्धता जनाए ।
प्रमुख प्रशासकीय अधिकृत अनिल अंगाले विकास योजनाहरूको गुणस्तर कायम गर्दै आगामी दिनमा बजेटको अधिकतम सदुपयोग गरिने बताए । उक्त कार्यक्रममा जनप्रतिनिधि, विषयगत शाखाका कर्मचारी तथा सरोकारवालाहरूको सहभागिता रहेको थियो ।
