असार १२, देवघाट
देवघाट गाउँपालिकाले चालु आर्थिक बर्षमा पारिश्रमिकमा आधारित प्रधानमन्त्री रोजगार कार्यक्रमबाट २६ योजनाको काम गरेको जनाएको छ । गत बुधबार आगामी आर्थिक बर्षको निती तथा कार्यक्रम प्रस्तुत गर्दै गाउँपालिका अध्यक्ष दुर्गबहादुर थापाले कृषि, सिंचाई, वन तथा जलाधार, पर्यटन प्रबद्र्धन तथा श्रममूलक सामुदायिक आयोजनाको काम सकिएको र भुक्तानीको प्रकृयामा रहेको जनाए ।
चालु आर्थिक बर्षमा देवघाटलाई संघिय सरकारको श्रम, रोजगार तथा सामाजिक सुरक्षा मन्त्रालय र गाउँपालिकाको लागत साझेदारीमा कार्यक्रम सञ्चालन गर्न ९४ लाख ६० हजार रुपैयाँ विनियोजन भएको थियो ।
‘ईएमआईएसमा सूचीकृत २८३ जना मध्येवाट प्रथमिकताका आधारमा १ सय २४ बेरोजगार व्यक्तिहरुले विभिन्न सामुदायिक आयोजनामा औषतमा १ सय दिनको रोजगारी प्राप्त गरेका छन्’, अध्यक्ष थापाले भने ।