पृथ्वी राजमार्ग विस्तार कार्यलाई तिब्रता दिने बारेमा एमाले उम्मेदबार खनालको प्रतिबद्धता

Devghat Online

शेयर गरौ

देवघाट अनलाइन
दमौली, बैशाख ६

नेकपा एमालेका उम्मेदबार सर्वेन्द्र खनाल मंगलबार चुनावी अभियानको कार्यक्रम अन्तर्गत डुम्रे र आवुँखैरेनी बजारमा घर दैलो गर्न गएका थिए । डुम्रे र आवुँखैरेनीमा घर दैलो गरिरहँदा त्यहाँका अधिकांश मतदाताले आफुहरुलाई अहिले सबैभन्दा महत्वपुर्ण आवश्यकता भनेकै धुलो र हिलोमुक्त पृथ्वीराजमार्ग बनाउनु पर्ने रहेको बताए ।

पानी हाल्दा हिलो र पानी नहाल्दा धुलो यो डुम्रे र आवुँखैरेनीका नागरिकको मात्रै समस्या हैन, उपनिर्वाचन हुने तनहुँ क्षेत्र नम्बर १ को मुग्लिङ्ग पुलजिप देखी दमौली सम्मकै नागरिकको समस्या हो । राजमार्गको दायाँ वायाँ रहेका हरेक नागरिकको एक मात्रै गुनासो अहिले राजमार्ग नै हो । धुलोले राजमार्ग क्षेत्रका अधिकांश नागरिक विरामी पनि परिसके । जुन उम्मेदबार पुगेपनि अहिले त्यस क्षेत्रका नागरिकले भन्ने एउटै मात्र गुनासो हुन्छ, यो राजमार्ग कहिले बन्छ ?

तनहुँ क्षेत्र नम्बर १ मा अन्तराष्ट्रिय क्षेत्रमा ख्याती प्राप्त भनिएका अर्थविद र आफुलाई पानी मान्छे भन्न्ने उम्मेदबारहरु चुनावी मैदानमा छन् । तर जनताले प्रतक्ष्य भोगेको समस्याको विषयमा कुनै उम्मेदबारले बोल्न नसकेको डुम्रेका एक नागरिकले बताए । त्यसैक्रममा मंगलबार डुम्रे र आवुँखैरेनीमा मतदातालाई भेट्न पुगेका एमालेका उम्मेदबार सर्वेन्द्र खनालसँग पनि त्यस क्षेत्रका मतदाताले यो राजमार्ग चाँडो बनाउने प्रतिबद्धता जनाएमा सहयोग गर्ने बताए ।

एमाले उम्मेदबार सर्वेन्द्र खनालले आफु गफमा भन्दा काममा नै बढि विश्वास गर्ने हुँदा बोलेको कुरालाई जुनसुकै हालतमा पनि पुरा गरेरै छाड्ने बताए । उनले राजमार्ग विस्तार कार्य निकै सुस्त गतिमा भईरहेको गुनासो धेरै आइरहेको हुँदा राजमार्ग विस्तारको कामलाई तिब्र गतिमा अघि बढाउने विषयमा गम्भिर ध्यानाकर्षण भएको बताए । कामलाई तिन सिफ्टमा गरेर २४ सै घन्टा सन्चालन गर्ने, आवश्यक कच्च पदार्थको अभाव हुन नदिने, तथा आवश्यक जनशक्ति र श्रोत साधन प्रयोग गर्ने बारेमा राजमार्ग विस्तारको सम्बन्धित निकायलाई ध्यानाकर्षण गराउने बताए । आफु यस क्षेत्रबाट निर्वाचित भएर संसदमा गईसकेपछि पनि यसबारेमा निरन्तर आवाज उठाउने र कार्यान्वयन पनि गराउने खनालले बताए ।

घर दैलो तथा सो अवसरमा आयोजित चुनावी सभामा खनालले आफु जागिरे जिवनमा अपराधमुक्त समाज निर्माणकोलागि सक्रिय भएको र अव राजनीतिकको अपराध सङ्लो बनाउन चुनावी मैदानमा आएको बताए । उनले सांसदमा निर्वाचित भएपछि अपराधीलाई कडा भन्दा कडा कारवाही गर्ने कानुन बनाउन पहल गर्ने बताएका छन् ।

खनालले आफु प्रहरी सेवामा हुँदा अपराधीलाई कारवाहीको दायरामा ल्याएपनि कानुनमा भएको छिद्र प्रयोग गरेर अपराधीहरुले उन्मुक्ति पाउने गरेको बताए । अव आफ्नो मुख्य ध्यान कानुनका ति छिद्रहरु टाल्ने भएको हुँदा त्यसकोलागि संसदमा जानु पर्ने आवश्यकता भएको उनले बताए । खनालले आफ्नो प्रहरी सेवाको क्रममा आफ्नो मुख्य ध्यान अपराध नियन्त्रण, शुशासन, भ्रष्टाचारको अन्त्य, गुन्डाराजको अन्त्य, मिटरव्याजीहरुलाई निस्तेज, अपहरणकारी, हप्ता अशुली, विद्युत चुहावट, म्याज फिक्सिङ, मानव बेचबिखन, दाईजो प्रथा जस्ता कुरीति र अपराधलाई जरैदेखी उखेल्ने प्रयास भएको बताए । तर त्यस्ता अपराधीहरुको विरुद्धमा प्रहरीले मुद्धा चलाईसकेपछि कानुनका छिद्र प्रयोग गरेर उनीहरुले उन्मुक्ति पाउने र त्यस्तै अपराधीहरु अहिले राजनीतिको मुलधारमा समेत आएको भन्दै खनालले त्यही कानुनको छिद्रलाई टाल्न आफु पनि राजनीतिको मैदानमा आएको बताएका छन् ।

प्रतिक्रिया दिनुहोस्

सम्बन्धित समाचारहरू

आबुँखैरेनीले सामुदायिक तथा सस्थांगत विद्यालयमा निशुल्क भर्ना गर्ने

तनहुँ । चैत ७ आबुँखैरेनी गाउँपालिकाले आगामी शैक्षिक सत्रमा सामुदायिक तथा संस्थागत विद्यालयमा निशुल्क भर्ना

एसइई परिक्षा सुरु

तनहुँ । चैत ७ माध्यमिक शिक्षा परिक्षा (एसइई) विहिबारबाट सुरु भएको छ । परिक्षा बिहान

स्वावलम्बन लघुवित्तले ३६ जना महिला सदस्यलाई दियो बाख्रापालन सम्बन्धी तालिम

तनहुँ । चैत ७ स्वावलम्बन लघुवित्त वित्तीय संस्था लिमिटेड डुम्रे शाखाको आयोजनामा तीन दिने व्यावसायिक

जिल्ला खेलकुद विकास समिति चितवन र पुष्पाञ्जली हस्पिटलबीच खेलाडीको उपचारमा छुटको सम्झौता

देवघाट अनलाइन चितवन, चैत ७ । चितवन जिल्लाका खेलाडी तथा परिवारको उपचार खर्चमा पुष्पाञ्जली हस्पिटलले