दमौली, बैशाख २९
ट्राफिक सप्ताहको अवसरमा जिल्ला ट्राफिक प्रहरी कार्यालय तनहुँले शुक्रबार दमौलीमा सवारी चालकहरुको स्वास्थ्य परिक्षण गरेको छ ।
सवारी चालक स्वस्थ भएमा मात्रै राम्रोसँग सवारी चलाउन सक्ने हुदा चालकको स्वास्थ्य परिक्षण गरिएको जिल्ला ट्राफिक प्रहरी कार्यालय तनहुँका प्रमुख राजिव विष्टले बताए । सो अवसरमा करिब ७० जना चालकको आँखा, रक्तचाप तथा मुटुको परिक्षण गरिएको थियो ।
सवारी दुर्घटना न्युनिकरणको लागि जिल्ला ट्राफिक प्रहरी कार्यालयले विभिन्न सचेतनामुलक कार्यक्रम गरि ट्राफिक सप्ताह मनाईरहेको छ । यसै अवसरमा भोलि शनिबार दमौलीमा रक्तदान कार्यक्रमको आयोजना गरिएको जिल्ला ट्राफिक प्रहरी कार्यालय तनहुँका प्रमुख विष्टले जानकारी दिए ।
