दमौली, असार २१
म्याग्दे गाउँपालिका वडा नम्बर ६ ले वडा भित्रका प्रत्येक घरमा २ वटाको दरले कागतीको विरुवा निशुल्क वितरण गरेको छ । वडा कार्यालयको कृषि कार्यक्रम अन्तर्गत उक्त वडा भित्रका ९ सय घर निशुल्क शतप्रतिशत अनुदानमा वितरण गरिएको वडा अध्यक्ष हिरालाल गुरुङ्गले वताए ।
१ घर २ कागती कार्यक्रम अन्तरगत कृषकलाई सुनकागती २ नामको उन्नतजाको विरुवा निशुल्क वितरण गरिएको वडा अध्यक्ष गुरुङले बताए । उक्त विरुवा वडा कार्यालयले नै ढुवानी गरि वडाका १० वटै टोल विकास संस्था मार्फत सम्बन्धित घरधनीलाई उपलब्ध गराईएको वडा सदस्य जुक्तराज वाग्लेले बताए ।
कृषकलाई आत्मानिर्भर वनाउने, स्वनिर्भर वनाउन र आर्थिक रुपमा सवल वनाउने उद्देश्यले कृषकलाई कागतीको विरुवा वितरण गरिएको वाग्लेले बताए । यसले उत्पादन दिएपछि कृषकलाई आत्मनिर्भर वनाउन र कृषीमा उत्पे्ररित गर्न मद्यत पुग्ने वडा अध्यक्ष गुरुङले बताए ।
