दमौली, असार २१
डिभिजन वन कार्यालय तनहुँले विहिबारबाट निशुल्क रुपमा विरुवा वितरण सुरु गरेको छ । पहिलो दिन १० विभिन्न प्रजातीका हजार १० विरुवा वितरण गरिएको कार्यालयका वन अधिकृत राजकुमार श्रेष्ठले बताए ।
विरुवा लिन जिल्लाका विभिन्न स्थानबाट कृषकहरुको ठुलो भिड लागेको थियो । पहिलो दिन ३५० भन्दा बढिलाई विरुवा वितरण गरिएको श्रेष्ठले बताए । कार्यालयले विभिन्न ३५ प्रजातीका विरुवा निशुल्क रुपमा वितरण सुरु गरेको हो ।
प्रदेश सरकारको अनुदान कार्यक्रममा कृषकहरुलाई आवश्यकता अनुसार विरुवा वितरण गरिएको कार्यालय प्रमुख डिभिजनल वन अधिकृत कोमलराज काफ्लेले बताए ।
