अन्जान परियार
घिरिङ, असार २५
घिरिङ गाउँपालिकाले गाउँपालिका भित्रका तिन प्रहरी चौकीलाई विपद् ब्यवस्थापनको लागि सामाग्री बितरण गरेको छ । गाउँपालिकाले सोमबार गाउँपालिका कार्यालय प्राङ्गणमा एक कार्यक्रम गरि सामाग्री वितरण गरेको हो ।
प्रहरीले विपद्को बेला तुरुन्तै उद्दार गर्न प्रयोग हुने महत्वपूर्ण सामाग्रीहरु गल ९ वटा, गैटी ९ वटा, बेल्चा ९ वटा, कोदालो ९ वटा, हेलमेट १५ वटा र फलामको बाल्टी ६ वटा र ३ सय मिटरको डोरि प्रहरी चौकीहरुलाई हस्तान्तरण गरेको थियो ।
सो सामाग्री घिरिङ गाउँपालिका अध्यक्ष होमबहादुर थापाले हस्तान्तरण गरेका थिए । सो अवसरमा अध्यक्ष थापाले घिरिङ गाउँपालिका भित्र हुने अबैध किसिमका कार्यको गतिबिधी नियन्त्रण र सवारी साधनमा सिट क्षमताको अनुगमनमा ध्यान दिनु पर्ने बताए । यस्तै बर्षाको समयमा विभिन्न ठाउँमा बाढी, पहिरो जस्ता विपद् आउन सक्ने हुँदा सो समस्याको तत्काल उद्धार गर्ने उदेश्यले गाउँपालिकाले प्रहरीलाई सामाग्री हस्तान्तरण गरेको बताए ।
सो कार्यक्रममा गाउँपालिकाका प्रमुख प्रशासकीय अधिकृत बिष्णुप्रसाद पोखरेलले प्रहरी मेरो साथी भन्ने हिसाबले काम गर्नु प्रहरीको दायित्व रहेको बताए । साथै जब बर्षाको कारण पहिरोले भौतिक तथा मानबिय घटना भएमा तुरुन्तै प्रहरीको टोलिले उद्दार गर्नुपर्ने हुँदा प्रहरीलाई थप आवस्यक सामाग्री बितरण गरिएको बताए ।
पोखरेलले थप सामाग्रीहरु लाइफ ज्याकेट र रुख ढलेर अबरुद्ध भएमा रुख काट्ने मेसिनहरु पनि गाउँपालिकाले बितरण गर्ने बताए ।
